Највозбудливо во вториот круг беше во Општина Зрновце. Кандидатот на СДСМ и Коалицијата, Ванчо Митев стана нов градоначалник победувајќи го конкурентот Борчо Коцев, кандидат од редовите на Коалицијата „Твоја Македонија“ предводена од ВМРО-ДПМНЕ, со само 11 гласови разлика. Митев освои 690 гласови што е 48,46% од вкупниот број на гласови додека Коцев освои 679 или 47,68% од гласовите.
Вкупниот број на неважечки гласови изнесува 55.
Тесно беше и во Крушево каде Нико Чонески од Коалицијата „Твоја Македонија“ победи со 19 гласови. Тони Тоневски е нов градоначалник на Пробиштип каде освои 25 гласови повеќе од Драган Анастасов односно 4.156 наспроти 4.131 гласови.
Интересно беше и во Македонска Каменциа каде Соња Стаменкова од СДСМ победи со 46 гласови. Освои 1.544 гласови додека актуелниот градоначалник Димчо Атанасовски 1.508 гласови.Наталија Димитрева со 58 гласови победи во Демир Капија, а Бошко Цветковски со 47 во Лозово.
