Секојдневно, се повеќе автомобили користат LED светла, кои за многумина стануваат толку интензивни што го нарушуваат возењето. Зимската сезона, со своите долги ноќни часови и неповолни временски услови како дожд, магла и снег, дополнително ја влошува ситуацијата, создавајќи услови на намалена видливост.
Истражувањето спроведено од водечката шведска компанија за технички преглед на возила, Bilprovningen, открива дека осум од десет возачи се заслепени од светлата на возилата кои доаѓаат од спротивната страна. Според податоците, од нешто повеќе од милион прегледани патнички автомобили во 2022 година, секој четврти имал недостатоци во неускладените или неисправни светла.
Покрај тоа, сè повеќе автомобили се опремени со LED светла, кои многумина ги доживуваат како прекумерно блескави. Многу нови модели на автомобили исто така имаат автоматски долги светла, кои не се прилагодуваат навреме. Дополнителен фактор е и тоа што многу возачи, со стареењето, имаат поголеми проблеми со ноќниот вид. Седум од десет возачи признале во истражувањето дека им е видот послаб кога возат ноќе. Ова е уште еден поттик за редовно проверување на видот, особено по 45. година.
