Киев, 26 октомври 2024 (МИА) – Во напад на руски дрон врз Киев беше погодена повеќекатница, што предизвика пожар во кој загина едно лице, а пет се повредени, соопштија официјални лица.
Шефот на воената администрација на главниот град, Сергеј Попко, изјави дека повеќе од 100 жители се евакуирани од повеќекатната зграда во населбата Соломјански, западно од центарот на градот.
Тревогата за воздушен напад траеше околу еден час, а беше активирана и воздушната одбрана. Два часа подоцна, во градот е прогласена нова тревога поради дронови.
Градоначалникот на Киев, Виталиј Кличко соопшти дека во нападот е убиена тинејџерка.
Пожарот кој избувна на 20 кат од зградата е ставен под контрола, соопштија итните служби.
Од Јасмина Тасевска/МИА
▶ Случајно видео
Пробај ја и оваа алатка:
