Стручна анализа на воениот аналитичар Дарко Тодоровски
Операција „Моќта на Лавот“
На Блискиот Исток започна голема војна. Израел започна „превентивна операција“ против Иран. Премиерот Нетанјаху го нарече она што се случува одлучувачки момент во историјата на земјата. Веројатно е во право. Но и на регионот. Новиот Блиски Исток е реалност.
Израел искористи 200 различни борбени авиони за да го нападне Иран, кои истрелаа повеќе од 330 различни ракети, бомби. Складишта за балистички ракети, нуклеарниот објект Натанз и една од клучните воздушни бази се погодени и уништени.
Израелската разузнавачка агенција Мосад спроведе серија саботажни операции дури и пред нападите врз Иран за да ги онеспособи клучните борбени капацитети (ПВО системи и радари) на Иранската револуционерна гарда и на иранската армија.
Агентите на Мосад и командосите тајно прошверцувале „прецизно оружје“ (дронови камикадзе, ракети Spike) во Иран пред неколку недели и поставиле тајна база со беспилотни летала, кои ги користеле за онеспособување на иранската ПВО одбрана, радари и балистичките ракети.
Прво биле уништени ПВО системите и радарските станици за рано предупредување во Западен Иран, по што небото за израелските борбени авиони, балистички ракети и бомби било чисто. 13 борбени авиони на иранските воздухопловни сили беа соборени за време на ноќните воздушни битки со авионите на израелските воздухопловни сили.
Општо земено, што може да се каже за првите часови. Израел тргна по патот на целосна војна со Иран. Израелските напади започнаа со лансирање балистички ракети лансирани од воздух од авиони на израелските воздухопловни сили од воздушниот простор на соседен Ирак, а можело да се користи и разни дронови камикази, крстосувачки ракети итн. Израелските саботажни групи сигурно биле активирани во Иран. Нападнати се разни воени, командни и индустриски објекти во различни делови од земјата. Погодени се станбени области во различни градови каде живееле генералите и нуклеарните физичари. За време на израелските напади, дел од иранската висока воена команда е убиен, вклучувајќи го и началникот на Генералштабот на иранските вооружени сили, генерал Мохамед Багери, началникот на Централниот штаб „Хатам ал-Анбија“, генерал Голам-Али Рашид, врховниот командант на Иранската револуционерна гарда на Иран, генерал Хосеин Салами, како и некои ирански нуклеарни физичари. Практично иранскиот воен врв како и нуклеарни физичари се убиени. Целостно фиаско на иранските служби.
Го чекаме иранскиот одговор, стотици балистички и хиперсонични ракети, како и дронови.
Едно е сигурно, не чекаат интересни денови. Блискиот Исток никогаш нема да биде истиот после ова.
Мапа на иранските нуклеарни објекти што беа погодени од израелски авиони вечерва.
