Министерот за внатрешни работи, Панче Тошковски, одржа вонредна прес-конференција на која информираше за ситуацијата со пожарот во скопската населба Трубарево. Според неговите зборови, пожарот кој избувна попладнево е сè уште активен, но успеал да биде локализиран, што значи дека нема непосредна опасност од негово ширење.
Тошковски истакна дека не се забележува радијационо зрачење во областа, но предупреди за висока загаденост со штетни супстанци во непосредната близина на пожарот. Тој додаде дека во врска со инцидентот, три лица се повикани на информативен разговор за да се утврдат сите околности поврзани со пожарот.
