Полициски службеници од Регионален центар за гранични работи Исток привеле 48-годишен маж од селото Град, откако бил затекнат со ловечка пушка во делчевскиот регион.
Настанот се случил на 22 јануари 2026 година, околу 09:00 часот, во атарот на селото Град, на место познато како „Трендафилово“. Полициските службеници забележале две лица, од кои едното носело огнено оружје.
Лицето што ја носело пушката се обидело да побегне, но по преземени мерки и активности од страна на полицијата, набргу било пронајдено и лишено од слобода. Станува збор за Т.С. (48) од село Град.
Во негова непосредна близина е пронајдена и одземена ловечка пушка, таканаречена „орозарка“, за која било утврдено дека се водела на името на неговиот починат дедо.
За случајот бил известен јавен обвинител, а лицето е задржано во полициска станица. По целосно документирање на настанот, против него ќе биде поднесена кривична пријава по член 396 и член 228 од Кривичниот законик.
