Киев, 29 март 2025 (МИА) – Телата на 909 загинати војници се вратени во Украина, соопшти Координативниот штаб за воени затвореници на Телеграм.
Меѓу загинатите се и оние кои ги загубија животите во Курахово, Покровск, Бахмут, Вухледар, Луганск и Запорожје, како и оние чии тела беа пренесени од мртовечници на руска територија.
Како што е наведено, паднатите бранители се вратени со помош на заедничките напори на Координативниот штаб, Заедничкиот центар на Службата за безбедност на Украина (ССУ), Вооружените сили на Украина, Министерството за внатрешни работи, Канцеларијата на комесарот за човекови права на Врховната Рада, Секретаријатот на Комесарот за исчезнати лица во посебни околности, Државната служба за вонредни ситуации и други институции од секторот за безбедност и одбрана.
Инспекторите од правосудните органи во соработка со форензичките институции на МВР ќе работат брзо на идентификација на загинатите.
Од Пандорка Арсовска-Гацова Извор МИА
