Киев, 9 мај 2025 (МИА) – Украина денеска воведе санкции против една кинеска и три ирански компании, се наведува во указот на претседателот на земјата Володомир Зеленски.
На листата на санкционирани се наоѓа компанијата „Смарт кит технолоџи лимитед“ (Smart Kit Technology Limited) од Хонгконг, како и компаниите „Алванд моторбилдинг индустрис компани“ (Alvand Motorbuilding Industries Company), „Бонјан данеш шарг прајват компани“ (Bonyan Danesh Shargh Private Company) и „Пишро санат асеман шариф прајват компани“ (Pishro Sanat Aseman Sharif Private Company), регистрирани во Иран.
Во указот не е наведена причината за воведувањето на санкциите, но Киев повеќепати протестираше против Кина и Иран поради нивната поддршка на воената агресија на Русија против Украина.
Од Сања Костовска Извор МИА
