Денес, 16 октомври 2024 година, се навршуваат 17 години од трагичната смрт на Тоше Проески, еден од најталентираниот и најпознатиот музичар во Македонија и Балканот.. Иако неговата кариера траеше само десет години, остави длабок печат во срцата на многу генерации и непроценливо музичко наследство.
Во текот на неговата кариера, Проески освои бројни награди и признанија, не само во Македонија, туку и на меѓународно ниво. Неговата хуманитарна работа, особено во поддршка на деца со специјални потреби и жртви од природни катастрофи, дополнително ја зацврсти неговата репутација како личност со големо срце.
Трагичната несреќа на 16 октомври 2007 година, која го одзеде животот на Тоше, остави празнина во музичкиот свет. Празнина, која никогаш нема да се надополни.
Тоше Проески останува симбол на музиката, љубовта и хуманоста, а неговата музика продолжува да ја надминува времето, оставајќи неизбришливи траги во срцата на сите нас.
