На 25 ноември 2025 година се одбележуваат 86 години од објавувањето на антологиската збирка поезија „Бели мугри“ на Коста Солев Рацин. По повод годишнината, во организација на Општина Велес и Локалната Библиотека „Гоце Делчев“, во медијотеката се прикажа документарниот филм „Бесмртниот“, што во чест на великанот го изработи библиотеката. Пред присутните гости се обрати проф. д-р Виолета Ачковска која зборуваше за белите мугри низ македонската историја.
Настанот продолжи со музичко-поетски перформанс на учениците од Гимназијата „Кочо Рацин“ кои со многу емоции ги пренесоа стиховите од антологиските песни Тутуноберачите, Ленка, Денови во кои Рацин го опејува страдањето на македонскиот народ но и надежта за посветла иднина.
„Бели Мугри” е меѓу првите стихозбирки објавени на македонски јазик, составена е од 12 песни, од кои 2 се циклуси, со по 6 и 7 песни. Таа ја претставува македонската суштина, историја и култура.
Извор:veles.gov.mk
