Анкара, 9 декември 2024 (МИА) – Шест војници загинаа денеска кога два турски воени хеликоптери се судрија во воздух, при што еден од нив се урнал, изјави турски официјален претставник.
Еден од хеликоптерите се урнал во близина на бензинска пумпа во градот Кечиборлу, јави телевизијата Си-Ен-Ен-Турк.
Другиот хеликоптер успеал да слета без проблеми.
Валијата од Испарта, Абдула Ерин прецизираше дека инцидентот со воените хеликоптери се случил за време на тренажни летови.
Градоначалникот на градот Испарта, Шукру Башдегирмен рече дека на местото на несреќата се испратени многу противпожарни бригади, Итна помош и спасувачки екипи.
За случајот е започната истрага.
Од Рената Пепељугоска Извор МИА
