Во последната деценија, албанските иселеници испратиле вкупно 7,7 милијарди евра, што е еквивалентно на годишниот буџет на државата. Според најновите информации од Централната банка на Албанија, 30% од семејствата во земјата зависат од овие дознаки, кои во просек изнесуваат околу 90 милиони евра месечно преку официјални канали, објави eurobews.al.
Во извештајот на Централната банка се истакнува дека дознаките од странство се „важен извор на семеен приход за околу една третина од семејствата“. Овие финансиски средства значително придонесуваат за намалување на процентот на населението што живее под линијата на сиромаштија. Според проценките, без овие средства, сиромаштијата во Албанија би била најмалку 8% повисока, достигнувајќи 28%.
Најголемиот дел од дознаките доаѓаат од Грција и Италија, каде што живее најголемиот број албански иселеници, но значителни приливи има и од САД и Велика Британија. Овие податоци покажуваат колку е важна улогата на албанските иселеници во подобрувањето на економската состојба на семејствата во Албанија.
