Возењето со поголема брзина од дозволената претставува сериозен безбедносен проблем, особено кога тоа се случува во близина на училишта. Иако јавната свест за ова прашање сè повеќе расте, постојат случаи кои укажуваат на крајна неодговорност.
Возач на „Ауди А6“ во Њујорк е снимен дури 740 пати од иста сообраќајна камера додека возел пребрзо покрај училиште – во период од минатата и оваа година. Податоците ги објави организацијата Transport Alternatives, а тие се добиени од градската канцеларија за финансии.
Вкупната сума на казните што му се изречени на овој возач надминува 50.000 евра (во доларска противвредност), што го става на врвот на листата на најказнувани возачи во градот.
На второто и третото место се двајца возачи на „Мерцедес“, со казни од 45.000 и 27.000 евра, исто така за пребрзо возење во чувствителни зони.
Овој инцидент повторно ја отвора темата за потребата од построга регулација и казнување на сообраќајните прекршоци, особено во зони каде што се движат деца.
