Париз, 4 август 2024 (МИА) – Американецот Ноа Лајлс победи во една од најатрактивните дисциплини на Олимписките игри – спринт на 100 метри за мажи. Лајлс го освои златото со време од 9,79 (,784) секунди, најдобро во кариерата.
Втората позиција со ист резултат – но со пет илјадитинки разлика (,789) му припадна на Кишане Томпсон од Јамајка. Фото-финишот требаше да го одреди резултатот со цел да се избројат предметните пет илјадитинки што го донесоа златото на Лајлс.
Третото место и бронзениот медал му припадна на уште еден Американец – Фред Керли. Акани Симбине од Јужноафриканската Република беше 4-ти со 9,81 секунди, што е национален рекорд за неговата земја.
Томпсон водеше до 60 метри, но силната завршница на новиот олимписки шампион му обезбеди да влезе во трката за титулата.
Така по 20 години – или за прв пат од 2004 година, олимпискиот шампион во спринт на 100 метри е од САД. Последен пат тоа беше Џастин Гетлин.
Од Спорт Миа Извор МИА
