Во пресрет на вториот круг од локалните избори во Скопје, политичката атмосфера се загрева, а јавноста сè повеќе зборува за промените во анкетите. Според објавата на Димитар Апасиев која се однесува на последната анкета спроведена од ИПИС, предноста на Орце Ѓорѓиевски од ВМРО-ДПМНЕ и неговата коалиција се намалува со брзо темпо.
„За една недела, предноста на Орце од ДПМНЕ (+25 партии од нивната крими-коалиција), дури и на наместените провладини анкети, се стопи од 3:1 на 2:1… Имаме уште една недела да стане 1:1, а на самиот ден на избори да ПОБЕДИМЕ со 1:0,“ стои во неговата порака, придружена со повик до граѓаните: „Браво Скопјани! Да не ја прокоцкаме оваа историска шанса!“, објави Апасиев.
Изјавата, која брзо се прошири на социјалните мрежи, ја отсликува растечката еуфорија и мобилизација меѓу поддржувачите на опозициската страна. Според нив, резултатите покажуваат дека разликата меѓу кандидатите постепено се намалува и дека конечниот исход ќе зависи од излезноста на денот на гласањето.
