Западните автомобилски компании, особено германските и американските, се соочуваат со сериозна криза, предупредува новата анализа на консултантската фирма EY. Во извештајот се наведува дека азиските – а посебно кинеските – производители бележат значително подобрување и веќе ги надминуваат западните ривали по профитабилност и пазарна агилност.
Дури пет од шесте најпрофитабилни производители на автомобили се со седиште во Азија. EY посочува дека западните компании страдаат од слаба побарувачка, високи трошоци и бавен премин кон електрични возила, додека Кина успешно напредува преку агилни, фокусирани инвестиции и ценовна конкуренција.
Дополнителен удар е и новата 25-процентна царина што САД ја воведоа на увозот на возила, што може да предизвика милијарди загуби на обете страни од Атлантикот.
Според EY, ако не се направат длабоки структурни промени, некои западни автомобилски брендови би можеле да исчезнат од пазарот.
