Британската влада, која во потрага по приходи три недели пред претставувањето на буџетот, размислува за воведување данока на електрични возила, со цел да се обезбеди праведно финансирање на патната инфраструктура во однос на бензинските и дизел автомобилите. „Данокот на гориво се применува на бензин и дизел, но не постои еквивалент за електрични возила. Сакаме праведен систем за сите возачи“, изјави за France Press непознат портпарол на британската влада, пренесе Бета. Тој додаде дека е исправно да се бара даночен систем кој праведно ќе ги финансира патиштата, инфраструктурата и јавните услуги.
Британската министерка за финансии Рејчел Ривс, која треба да го претстави својот буџет на 26. ноември, размислува за надоместок од три пении (3,5 евроценти) за секоја помината милја (1,6 километри) со електрично возило. Оваа шема би била спроведена во 2028. година по процесот на консултации, а ќе чини возачите во просек 250 фунти годишно и ќе генерира 1,8 милијарди фунти годишно до почетокот на 2030-те години.
„Воведувањето на така сложена и скапа шема, особено насочена кон возила за кои производителите веќе имаат потешкотии со продажба, би била стратегиска грешка“, оцени Сојузот на трговците (SMMT) кој ја претставува британската автомобилска индустрија. Овој сојуз смета дека тоа би можело да ги обесхрабри потрошувачите и да има последици по перцепцијата на Велика Британија како место за инвестиции.
Исланд и Нов Зеланд веќе воведоа наплата на километража за електрични возила. Канцеларијата за буџетска одговорност, британскиот надзорен орган за јавни финансии, проценува дека даноците на гориво ќе генерираат 24,4 милијарди фунти во 2025/2026 година, што претставува два процента од државните приходи. Рејчел Ривс, која веќе ги зголеми даноците оваа година, особено за претпријатијата, додека драстично ја намали потрошувачката, е под притисок да ги балансира јавните сметки без да го задуши посустениот раст.
