Црна Гора најави почеток на производство на беспилотни летала во соработка со американска компанија, а првата серија ќе ѝ биде донирана на Украина. Веста ја пренесуваат црногорските медиуми, повикувајќи се на „писмо на намери“ што неодамна го усвои владата во Подгорица.
Како што јави Радио Слободна Европа, иницијативата има троен фокус: јакнење на воените капацитети на Црна Гора во контекст на НАТО, поддршка на Украина во нејзините одбранбени напори и зацврстување на улогата на земјата како сигурен добавувач на модерна воена технологија на глобалниот пазар.
Проектот, проценет на 15 милиони долари, ќе добие поддршка и од американската администрација, предводена од претседателот Доналд Трамп.
