Како никогаш досега, Делчево овие денови нуди богата музичка програма, за сечиј вкус.
По вчерашниот настап на Аца Лукас, денеска со почеток од 21 часот на летната сцена во градскиот парк ќе настапи Нокаут.
Утре, на истата локација, а во организација на Националната установа Центар за култура „Никола Јонков Вапцаров“ ќе се одржи меѓународниот фолклорен фестивал ,,Голачки фолклорни средби 2024 година“. Почетокот е закажан за 20 часот. Од истиот термин во Hotel Sunrise ќе настапи Анета Арсовска со Модерато Бенд.
Во популарната меана Две Липи во петок ќе настапи Национал Бенд, а во сабота Унико Бенд.
На Градскиот базен во Делчево во петок ќе настапи фронтменот на нишката група Галија, Ненад Милосављевиќ – Неша. Пред неговиот настап посетителите ќе ги забавува Иван Тренчевски. Другиот ден ќе има денска забава со DJ Brysid, а во недела ќе настапат Anda & The Girls.
На 10 август, сабота, со почеток од 21 часот во Club Cosmos ќе настапи Црвена Јабука. Во недела пак во овој клуб ќе настапи Пеџа Меденица.
Во Аполон денеска ќе настапи Иван Тренчевски, а во Клуб 44 се очекуваат забави до утринските часови сите наредни денови.
Изминатите денови во Делчево меѓудругите, настапија Филип Јордановски, Ален Хасановиќ, Стојне Николова, Жељко Самарџич, Саша Матиќ, Наташа Беквалац, Дарко Филиповиќ, Амадеус Бенд…
