Вкупно девет делчевчани се на пратеничките листи за претстојните избори. Ова го покажуваат податоците на ДИК според непотврдените листи.
42 годишниот Слободан Велиновски кој е роден во Делчево, а живее во Македонска Каменица ќе биде на седмата позиција во ИЕ 3 на листата на Движење „ЗНАМ – За Наша Македонија“.
Во истата изборна единица, на листата на Коалицијата „Европски фрон“, на позицијата број 16 се наоѓа Џејлан Кантурова, која како и Слободан Велиновски, е родена во Делчево, но живее во друга општина односно во Пехчево.
Највисоко на листата е Драган Ковачки кој е роден во Делчево, но живее во скопски Карпош. Тој ќе биде носител на листата на Коалицијата „Твоја Македонија“ во третата изборна единица.
Драган Маневски пак, ќе биде на 11-та позиција на листата на Коалицијата „За Европска Иднина“.
На листата на политичката партија Левица, Тони Стаменковски се наоѓа на седмата позиција во изборната единица 3. На листата на оваа партија, но во изборната единица 5 се наоѓа Ивана Петковска, која е родена во Делчево, но живее во Општина Карпош.
Стојан Гоцевски се наоѓа на листата на „Твоја партија“. 60 годишниот Гоцевски е роден во Делчево, но живее во Велес.
Ернес Ортхманн, роден во Кочани, но со живеалиште во Делчево ќе биде на седмата позиција во ИЕ3 на листата на Аваја – Доста Е!. На 17-та позиција во изборната единица 3, на листата на Коалиција „Европски фронт“ се наоѓа 25 годишниот Ален Зекировски кој е роден на територијата на Скопје, но живе во Делчево.
