Брисел, 20 март 2025 (МИА) – Лидерите на ЕУ се согласија масовно да ги зголемат трошоците за одбрана за да ја зајакнат подготвеноста и воените капацитети на Европа во следните пет години, дознава ДПА од делегациите на самитот.
-ЕУ планира драматично да ги зголеми трошоците за одбрана, мобилизирајќи 800 милијарди евра (868 милијарди долари) во следните четири години, вклучително и 150 милијарди евра заеми за проекти за оружје и ослободувања од правилата за долг на ЕУ за инвестиции во одбраната, наведува ДПА.
На самитот што се одржа денеска во Брисел, лидерите на ЕУ се согласија да ги преземат сите неопходни чекори за зајакнување на одбранбената подготвеност на Европа до 2030 година, според неколку делегации.
Напорот е исто така наменет да ја зајакне воената поддршка за Украина додека таа продолжува да се спротивставува на руската инвазија.
Наглото зголемување на трошоците за одбрана доаѓа во услови на зголемена загриженост во Европската комисија дека ЕУ мора итно да се подготви за ризикот од големи конфликти со Русија.
Од Марија Спасовска Извор МИА
