Францускиот претседател Емануел Макрон и германскиот канцелар Фридрих Мерц се согласуваат за потребата од нови санкции против Русија, со цел да се зајакне притисокот врз Москва. Во изјавата дадена во Тулон, Франција, Макрон нагласи дека е неопходно САД да играат активна улога во принудувањето на Русија да се врати на преговарачкиот стол за завршување на конфликтот во Украина.
Според Макрон, следните денови ќе бидат клучни за тоа дали Русија ќе покаже знаци на спремност за мир. Тој истакна дека сојузниците на Украина, вклучувајќи ги и Франција и Германија, се подготвени да продолжат со поддршката за Киев, дури и ако конфликтот продолжи да трае.
Мерц, пак, предупреди дека војната во Украина може да се протега на подолг период и изрази уверување дека коалицијата на земји кои поддржуваат Украина останува силна. Двете земји исто така објавија започнување на стратешки дијалог за нуклеарно одвраќање, што е од особена важност во контекст на зголемените безбедносни закани во светот.
Макрон, како претседател на единствената земја во Европската унија со нуклеарно оружје, изрази подготвеност за соработка со други партнери за зајакнување на одбранбените капацитети на ЕУ. Оваа иницијатива доаѓа во време на зголемени тензији и потреба од колективен одговор на глобалните предизвици.
