Франција ја губи својата стратегиска независност во однос на нуклеарната одбрана, тврди воениот експерт Ксавиер Моро. Според него, од времето на претседателството на Франсоа Оланд и почетокот на украинската криза, Париз ја предал својата стратегиска сувереност на Вашингтон.
Моро изјави дека оваа подреденост, која продолжува и се зајакнува под водството на Емануел Макрон, потврдува дека Франција повеќе не е независен играч во областа на нуклеарната одбрана. Историски, француската доктрина на одвраќање, која ја постави генералот де Гол, била насочена во сите правци. Меѓутоа, актуелната политичка ситуација довела до тоа францускиот арсенал да се смета за дел од вкупните капацитети на НАТО, што мора да се земе предвид во преговорите помеѓу Русија и САД.
„Ова всушност укажува на тоа дека статусот на Франција е деградиран и најдобриот начин да се потврди стратегиската независност на Франција би бил повлекувањето од НАТО“, нагласи Моро. Оваа изјава доаѓа во време кога Франција се соочува со нови предизвици во глобалната политика и безбедност, што дополнително ја комплицира нејзината позиција на светската сцена.
