Утре, 31 јануари 2026 година, со почеток во 12:00 часот, во Скопје ќе се одржи протестен марш под мотото „Стоп за Цементара“, поради што ќе биде воведен посебен режим на сообраќај во централното градско подрачје.
Протестниот марш ќе започне пред Владата на Република Северна Македонија на булеварот „Илинден“, по што учесниците ќе се движат по булеварот „ВМРО“, улицата „Васил Главинов“, потоа лево по улицата „Димитрие Чуповски“, ќе продолжат по улицата „11-ти Октомври“ до пред Собранието на РСМ, а маршот ќе заврши пред Министерството за животна средина на улицата „Филип Втори Македонски“.
Поради настанот, Единицата за безбедност на патниот сообраќај при СВР Скопје ќе преземе мерки за регулирање на сообраќајот, со повремени затворања и пренасочување на возилата по алтернативни правци.
Од полицијата апелираат до сите учесници во сообраќајот да ги почитуваат наредбите и упатствата на полициските службеници со цел непречено и безбедно одвивање на сообраќајот и самиот протест.
