Голема трагедија се случи во Кочани. Во пожар кој избувнал ноќеска во дискотеката „Пулс“ загинати се над 30 лица, а бројот на повредени е голем.
Пожарот, според локалните медиуми, настанал во 3 часот за време на настап на групата „ДНК“, а причините за пожарот засега остануваат непознати. Се шпекулира дека во дискотеката имало пиротехнички средства, а пожарот бил предизвикан токму од нив.
„Сите надлежни служби, вклучително и јавен обвинител од Основното јавно обвинителство Кочани се на терен. Бројот на жртви и повредени во пожарот се утврдува. Се уште се преземаат дејствија и се врши увид.“ соопштуваат од Основното Јавно обвинителство.
Стојанче Ангелов, заедно со министерот за внатрешни работи Панче Тошковски како и директорот на Бирото за јавна безбедност Александар Јанев веќе се во Кочани каде во наредниот период треба да пристигне и премиерот Христијан Мицкоски.
