Политичката партија ГРОМ, предводена од Стевче Јакимовски, излезе со остри критики кон Владата на Република Македонија, обвинувајќи ја за неспособност да реагира соодветно по трагичниот пожар во дискотеката „Пулс“ во Кочани. Во партиското соопштение се предлагаат конкретни мерки за обесштетување на настраданите и нивните семејства, како и барање за неотповиклива оставка на Владата предводена од Христијан Мицкоски.
ГРОМ предлага:
- Неотповиклива оставка на Владата – со цел да се назначи нов мандатар и нова влада која, според нив, ќе има повеќе разбирање за трагедијата и болката на граѓаните.
- Финансиска компензација:
- 500.000 евра за семејствата на починатите лица.
- 500.000 евра и годишна рента од 30.000 евра за повредените со тешки трајни последици.
- 300.000 евра и по 15.000 евра годишно за лица со умерени повреди и потреба од долготрајна рехабилитација.
- 100.000 евра и по 10.000 евра годишно три години за лица со полесни повреди.
- Право на судска постапка – сите оштетени граѓани ќе можат да поведат граѓански постапки против државата доколку се незадоволни од обесштетувањето.
- Ефективна судска разрешница – барање до Обвинителството и судовите да обезбедат брзо и правично гонење на директно одговорните за трагедијата.
Според ГРОМ, овој трагичен настан не смее да се третира само како индивидуална грешка, туку како системски пропуст на институциите. Тие сметаат дека државата има обврска да покаже грижа, да ја преземе одговорноста и да обезбеди правичност за секој свој граѓанин.
▶ Случајно видео
Пробај ја и оваа алатка:
