На саемот IFA 2025 во Берлин, Hisense објави дека ќе биде глобален спонзор на Светското првенство во фудбал 2026, што е трета последователна година на оваа соработка. Овој познат бренд во областа на потрошувачката електроника продолжува да ја зајакнува својата врска со FIFA, со која соработува веќе седум години.
Од 2018 година, Hisense и FIFA реализираа бројни глобални иницијативи. Од првенството во Русија до FIFA+ платформата во 2022, па сè до интеграцијата на технологијата во VAR системот на FIFA Club World Cup 2025, секоја од овие активности ја зголеми видливоста на брендот Hisense и потврдија нивната посветеност на подобрување на искуството на корисниците и навивачите.
Кетрин Фанг, потпретседателка на Hisense Група, изрази уверување дека фудбалот обединува луѓе со заеднички вредности и страст. Таа истакна дека Hisense има за цел да им овозможи на сите навивачи да го доживеат секој натпревар како да се на стадионот.
Роми Гај, директор за FIFA бизнис, ја нагласи важноста на долгогодишната соработка со Hisense, истакнувајќи ја нивната посветеност на иновации и поддршка на фудбалските навивачи. Како што се приближува најголемата фудбалска смотра следната година, двете организации се подготвени да работат заедно на пренесување на возбудата од турнирот во милиони домови ширум светот.
На истата манифестација, Hisense го претстави и својот најнов RGB-MiniLED телевизор, дополнувајќи ја својата понуда со иновативни производи.
