Буенос Аирес, 15 мај 2025 (МИА) – Претседателот на Аргентина, Хавиер Милеј потпиша указ за ограничување на имиграцијата, по примерот на ограничувањето воведени од администрацијата на американскиот претседател Доналд Трамп.
Вчерашната извршна наредба на Милеј ги заострува условите за добивање на државјанство, барајќи од имигрантите две години да престојуваат во Аргентина или да инвестираат во земјата во замена за аргентински пасош.
Имигрантите кои бараат постојан престој мора да прикажат доказ за приход или „доволни средства“ и не смеат да имаат криминално досие во нивните матични земји. Со уредбата многу полесно ќе можат да се депортираат лицата кои нелегално влегле во земјата, ги фалсификуваат документите или извршиле помали кривични дела во Аргентина. Претходно, властите можеа да ги протераат или одбијат влез само на странци со пресуда од повеќе од три години.
Уредбата издадена од Милеј, исто така, бара од судството да ги забрза инаку долгите судски постапки против имиграцијата.
Изјавата на Милеј дека имигрантите во Аргентина носат „хаос и злоупотреби“ е критикувана од неговите политички противници и споредување со Трамп. додека Владата на Милеј ги поздрави споредбите со својот близок сојузник на САД, а портпаролот на аргентинскиот претседател Мануел Адорни истакна дека е време да се почитува историјата на Аргентина и „повторно Аргентина да се направи голема“.
Аргентина е изградена од милиони имигранти и долг период се гордееше со својата отвореност.
Од Марина Илиевска Извор МИА
