Техеран, 5 октомври 2024 (МИА) – Илјадници луѓе присуствуваа синоќа на молитвата и специјалната комеморација за убиениот лидер на Хезболах, Хасан Насрала, во иранската престолнина Техеран.
Насрала беше убиен во Бејрут во израелски воздушен напад минатата недела, што го налути Техеран, кој потоа, во вторникот, изврши ракетен напад врз Израел.
Во главниот град на Иран беше одржана церемонија во чест на Насрала, а врховниот лидер ајатолахот Али Хамнеи во својата молитва го пофали Насрала и го повика муслиманскиот свет „да го врзе појасот на одбраната“.
Од Сашко Димевски/МИА
