Напладнево во еден од трговските центри во централното градско подрачје на Скопје дошло до физички инцидент меѓу две жени, по што двете страни поднеле пријави во полиција.
Како што информираат од СВР Скопје, настанот бил пријавен околу 12:20 часот. Првично, 41-годишна скопјанка пријавила дека била физички нападната од 56-годишна жена. За време на инцидентот, според наводите во пријавата, со повозрасната жена имало и машко лице кое ја снимало расправијата со мобилен телефон.
Набргу потоа, и втората инволвирана страна поднела пријава, тврдејќи дека токму таа била жртва на физички напад од помладата жена.
Од полицијата велат дека се преземаат сите потребни мерки за целосно утврдување на фактичката состојба и расчистување на случајот, по што ќе биде донесена соодветна одлука.
