Интервју со Горан Трајковски, кандидат за градоначалник на Општина Кисела Вода од редовите на СДСМ и Коалицијата.
- Господин Горан Трајковски, што лично Ве мотивираше да се кандидирате за градоначалник на Кисела Вода?
ГТ: Влегов во оваа битка затоа што верувам дека борбата треба да се води кога е тешко, а не само кога е лесно. Јас не калкулирам. Како петта генерација во оваа општина, ова не е само борба, ова е мисија за нашиот дом. Мојата мотивација не е лукративност ниту личен интерес, туку само едно – Кисела Вода заслужува да биде чиста, пристојна и перспективна општина. Оваа борба е за нашата иднина, за нашиот дом и за такви вредности е навистина „вредно“ да се борите!
- Доколку бидете избран, кои се трите главни приоритети што ќе ги реализирате во првата година од мандатот?
ГТ: Моите најсериозни приоритети се следните:
- Чиста Кисела Вода и Безкомпромисна Борба Против Загадувачите. Крај на ѓубрето и дивите депонии, радикално подобрување на комуналниот ред.
- Инвестиција во Младите – Нашата Иднина! Целосно субвенционирана партиципација за дечињата во градинките во Општината и 70% субвенција на здрав оброк за децата во основните училишта.
- Урбанизам со човечко лице и социјална правда! Инфраструктура, канализација, осветлување и асфалтирани улици.
- Хигиената и јавните површини се честа критика на жителите. Како ќе го подобрите нивото на комунални услуги?
ГТ: Ќе ставам крај на комуналната и институционална негрижа и ќе започне ера на вистинска грижа. Прв приоритет ми е токму тоа: Крај на ѓубрето и дивите депонии! Радикално го подобруваме комуналниот ред и воведуваме Чиста Кисела Вода.
- Мирисот од Охис и загаденоста во околината е често прашање од граѓаните. Имате ли конкретно решение за овој проблем?
ГТ: Ќе се борам против загадувачите без компромис и без повлекување! Како градоначалник, ќе го искористам секој легален и институционален механизам за да воспоставиме контрола, особено врз Цементарница „Усје“. Здравјето на нашите граѓани нема да биде предмет на преговори! Воедно, ќе се фокусирам на решавање на проблемот со линданот во „Охис“, кој е еден од најголемите проблеми во општината.
- Младите често се отселуваат или немаат простор за активности. Какви содржини или проекти планирате за нив?
ГТ: Мој втор приоритет е Инвестиција во Младите – Нашата Иднина! Конкретно, планирам целосно субвенционирана партиципација за дечињата во градинките во Општината и 70% субвенција на здрав оброк за децата во основните училишта на општината.
- На крај, зошто жителите на Кисела Вода треба да го дадат својот глас токму за вас?
ГТ: Жителите треба да гласаат за мене затоа што можам и знам како да ја направам Кисела Вода подобро место за живеење. Мојата мотивација не е лукративност, туку само едно – Кисела Вода која е чиста, пристојна и перспективна општина. Најважно од сè: Граѓаните не се бројка, тие се СОПСТВЕНИЦИ на оваа општина! Се обврзувам на интегритет, многу работа, грижа за заедницата и на партнерство со граѓаните и социјална правда преку бесплатни услуги и субвенции за ранливите категории и младите.
Наташа Заовска
