Во британското пристаниште Феликстоу, вчера пристигна првиот брод од Кина кој патуваше преку Северниот морски пат, соопштија од рускиот гигант Росатом. Оваа нова транзитна рута значително го скрати времето за испорака на стока, во споредба со традиционалните поморски патишта.
Бродот, кој носи околу 25.000 тони контејнерски товар, отплови на 23. септември од кинеската лука Нингбо, а во водите на Северниот морски пат влезе на 1. октомври. По пристигнувањето во Феликстоу, бродот ќе продолжи кон други европски дестинации, известува Комерсант. Според податоците на Росатом, пловидбата низ рускиот Арктик траела само 20 дена, што е речиси двојно побрзо отколку патувањето по јужната рута.
Северниот морски пат е важен поморски коридор кој поврзува западниот дел на Евроазија со Азиско-пацифичкиот регион, и се смета за историски развиена транспортна артерија на Русија. Неговата вкупна должина изнесува околу 5.600 километри.
Дали оваа нова арктичка рута за бродски контејнери може да ја загрози традиционалната важност на Суецкиот канал? Ова прашање сега е актуелно, особено по информациите дека Газпром започна со извоз на течен гас преку Арктичкиот океан. Бродарската компанија Маерск, исто така, ја зголеми својата прогноза за добивка во 2025 година, што дополнително ја потврдува важноста на новите поморски патишта.
Русија и Кина веќе усвоија план за развој на транспортот долж Северниот морски пат, а компанијата NOVATEK во јуни испрати првиот товар во новата сезона кон Кина, користејќи источниот сектор на патот, каде навигационата сезона традиционално трае од јуни до декември.
