Врз основа на Одлуката за утврдување потреба од спроведување проект за ангажирање на лица за теренско прибирање податоци за утврдување на данок на имот за физички и правни лица на територија на Општина Велес број 09-1014/10 од 18.02.2026 година, донесена од Советот на Општина Велес, Градоначалникот на Општина Велес објавува Јавен повик за ангажирање на најмногу 10 лица.
1. Предмет на јавниот повик
Ангажирање на невработени лица за теренско прибирање фактички податоци за недвижности на територија на Општина Велес.
2. Работни задачи
Ангажираните лица ќе ги извршуваат следните работи:
- Теренско прибирање на фактички податоци за недвижности;
- Изработка на записници од увид на лице место;
- Фотографирање и документација на објекти;
- Систематизирано доставување на податоците до надлежниот сектор во општинската администрација;
- Други активности поврзани со реализација на проектот.
Ангажираните лица се должни да бидат активни и присутни на терен секој работен ден, согласно утврдениот распоред. За својата ангажираност се должни секојдневно да се евидентираат кај одговорно лице определено од страна на Општина Велес, кое ќе врши координација и контрола на извршените активности.
3. Услови
- Завршено минимум 4 години средно образование;
- Да се државјани на Република Северна Македонија;
- Во моментот на потпишување на договорот да не бидат во работен однос, како и за времетраењето на ангажманот;
- Да имаат основни познавања за работа со компјутер.
4. Потребна документација
- Пријава за учество;
- Кратка биографија (CV);
- Копија од диплома за завршено средно образование;
- Копија од лична карта;
5. Рок и начин на пријавување
Пријавите се доставуваат во Архива на Општина Велес, во рок од 5 работни дена од денот на објавување на јавниот повик.
6. Начин на избор
Изборот на кандидатите го врши Градоначалникот на Општина Велес, врз основа на предлог-листа изготвена од Комисија формирана од негова страна.
Комисијата ќе изврши преглед на доставената документација и ќе спроведе разговор со кандидатите, по што ќе изготви предлог-листа.
Изборот ќе се врши врз основа на исполнетост на условите, мотивираност и проценка на способноста за извршување на работните задачи.
Со избраните лица се склучува договор со кој се уредуваат меѓусебните права и обврски.
7. Времетраење на ангажманот
Ангажманот на избраните лица ќе трае најдолго до 31.12.2026 година, согласно Одлуката на Советот на Општина Велес.
8. Надоместок
Месечниот надоместок изнесува најмногу до 30.000,00 денари нето износ, на кој ќе се пресмета и додаде персонален данок согласно закон.
Комисија за селекција на кандидати
Извор:veles.gov.mk
