Имам пораснато десетина генерации во тој клуб и сите знаат како се грижев за безбедноста во клубот, рече низ солзи Дејан Јовановски – Деко, првообвинетиот за пожарот во таканаречената дискотеки ПУЛС во Кочани, изразувајќи сочувство до сите загинати, за време на денешното судско рочиште за пожарот во дискотеката Пулс во Кочани. Јовановски рече дека ја разбира болката на родителите, бидејќи и негов член од семејството загинал во пожарот. На ова, присутните родители во судницата реагираа со негодување, а дел од нив по говорот на Јовановски, видно потресени ја напуштија судницата. Јовановски додаде и дека не разбира зошто неговиот син е обвинет, рече дека тој кобната ноќ бил обичен гостин во клубот, односно дека не бил дел од сопственичката структура. Претходно, и првообвинетиот, но и сите други вкупно 35 физички и претставниците на правни лица, се изјаснија за невини.
