Ангела Меркел, поранешната канцеларка на Германија, продолжува да живее во луксуз и по завршувањето на својата политичка кариера. Нејзината месечна пензија изнесува речиси 15.000 евра, што ја поставува меѓу најбогатите пензионери во земјата. Но, тоа не е единствениот извор на нејзини приходи.
По објавувањето на нејзините мемоари „Слобода“, Меркел стана вистинска милионерка. Книгата е објавена во 31 земја, вклучувајќи ја и Русија и Кина, а во Германија се продава по цена од 42 евра. Според информации од медиумите, таа и нејзината коавторка добиле значителен аванс, кој се проценува на неколку милиони евра.
Се проценува дека правата за германското издание на книгата вредат помеѓу 1,5 и 1,8 милиони евра, а вкупниот приход од мемоарите би можел да достигне двоцифрен милионски износ. Иако нејзините приходи се импресивни, Меркел не може да се споредува со светските лидери како Барак и Мишел Обама, кои заработиле неверојатни 60 милиони евра за своите мемоари.
Сепак, животот на Меркел по политиката не е само за пари. Таа продолжува да биде активна во јавниот живот и да дава коментари за актуелни настани, оставајќи печат во светот на политиката и по своето заминување. Нејзината способност да генерира значителни приходи и по завршувањето на кариерата е доказ за нејзината популарност и влијание.
