Денеска од страна на Отсек за превенција при СВР Куманово и Општински совет за превенција на детско престапништво на повеќе локации во Куманово беше спроведена кампања за деца, жени и стари лица – жртви на семејно насилство.На граѓаните им беа поделени флаери под наслов “Пријави насилство” со превентивни совети и насоки за пријавување и помош. Беше упатен апел до сите лица, кои трпат психичко и физичко насилство ваквите кривични дела веднаш да ги пријават во СВР Куманово и Основно јавно обвинителство, со цел навремено преземање на мерки за спречување на вакви несакани појави. Апел и до стручните служби во училиштата да внимаваат на учениците, кои покажуваат знаци на насилно однесување, искажувајќи незадоволство и гнев кон другите деца преку врсничко насилство. Кампањата ќе продолжи и во наредните денови.
Извор:kumanovo.gov.mk
