Системот за старт/стоп во автомобилите станува се почеста појава, но колку навистина влијае на потрошувачката на гориво? Американското друштво на автомобилски инженери (SAE) спроведе сериозно истражување и откри дека, во зависност од условите на возење, старт/стоп технологијата може да ја намали потрошувачката на гориво помеѓу 7 и 26 проценти.
Како функционира старт/стоп? Кога автомобилот ќе застане во сообраќај или пред семафор, системот старт/стоп автоматски го гаси моторот. Тој повторно се активира штом возачот одлучи да продолжи со возењето, што значи дека моторот не работи додека возилото стои. Некои извори наведуваат дека во градските услови, каде што има многу застанувања и движења, заштедата во потрошувачката на гориво може да биде и до 15 проценти. На отворен пат, каде што нема многу застанувања, користите се минимални.
Истражувањето спроведено во 2023 година опфати четири различни автомобили и три стандардизирани тест циклуси: * FTP (Federal Test Procedure) – тест на потрошувачка во градски услови * Supplemental FTP – агресивно градско возење со чести забрзувања * EPA New York City Cycle (NYCC) – град со многу застанувања и движења. SAE мереше потрошувачката на гориво со активиран старт/стоп систем во однос на истите тестови со исклучен систем.
Што покажаа резултатите? Во градскиот FTP тест, старт/стоп ја намали потрошувачката на гориво за околу 7,27 проценти. Во NYCC тестот, кој симулира град со многу движење и застанувања, заштедата беше и до 26,4 проценти. Супротно на тоа, во тестот со агресивно возење, старт/стоп системот не покажа значителни придобивки. Овие резултати покажуваат дека старт/стоп технологијата навистина може да донесе значителни заштеди, особено во урбани средини со чести застанувања и паленје на моторот. Иако не е магично решение за секое возење, во градските услови овие заштеди не се занемарливи.
