Во Општина Прилеп денес се одржа конститутивната седница на новиот состав на Советот на општината, на која беше верификуван мандатот на 27 советници и тоа: 17 од ВМРО-ДПМНЕ и коалицијата, 6 од СДСМ и коалицијата, 3 од Левица и 1 од ЗНАМ.
На седницата за претседател на Советот беше избрана д-р Билјана Кржеска од владеачкото мнозинство која што напомена дека ќе практикува одговорно извршување на функцијата, во дух на законитост, транспарентност и конструктивна соработка со сите членови на Советот и институциите.
Во своето обраќање, градоначалникот Проданоски истакна дека претстои период на интензивна работа и посветеност кон интересите на граѓаните:
„Со конституирањето на Советот започнува нов циклус на заедничка работа.
Изборниот процес е зад нас, време е да се фокусираме на задачите, на подобрувањето на локалните услуги и на создавање функционална и современа средина за сите граѓани.
Верувам во партнерска и конструктивна соработка меѓу Советот и локалната самоуправа, со единствена цел, развој на нашиот град и подобар живот за секој прилепчанец.“
The post Конституирање на новиот состав на Советот на Општина Прилеп appeared first on Општина Прилеп.
Извор:www.prilep.gov.mk
