о Европскиот парламент е постигнат договор помеѓу трите најголеми политички групации – Европската народна партија (ЕНП), Социјалистите и Либералите – за отстранување на термините „македонски јазик“ и „македонски идентитет“ од Извештајот за напредокот на Северна Македонија.
Овој заеднички амандман треба да биде ставен на гласање на 8 јули, за време на пленарната седница на Европарламентот. Иницијативата доаѓа на барање на ЕНП, каде членува ВМРО-ДПМНЕ, со поддршка од групациите каде членуваат СДСМ и ЛДП.
Премиерот Христијан Мицкоски остро реагираше на договорот, нарекувајќи го „талибанска интервенција“ врз македонскиот идентитет. Тој упати вина кон поранешната власт и го нарече ова сценарио „најавено“ уште за време на посетата на еврокомесарката Марка Кос.
Иако документот кој беше усвоен од Комитетот за надворешни работи (АФЕТ) на 24 јуни, содржи три формулации со терминот „македонски јазик и идентитет“, новиот амандман предвидува нивно целосно бришење.
Покрај ова, пред гласањето во АФЕТ, германскиот европратеник Михаел Галер предложи во текстот да се додаде придавката „модерен“ пред терминот „македонски јазик и идентитет“, но амандманот не беше усвоен бидејќи шест европратеници гласаа против.
