Кристијано Роналдо, португалската фудбалска икона, стана првиот фудбалер во светот кој ја достигна границата од милијарда евра, според извештаите на Блумберг. На 40-годишна возраст, Роналдо ја надмина оваа значајна сума со новиот договор со саудискиот клуб Ал Наср, кој е вреден околу 360 милиони евра. Според проценките, неговото вкупно богатство сега изнесува над 1,2 милијарди евра, што го прави единствениот фудбалер кој успеал да достигне ваква финансиска височина.
Роналдо, кој е именуван по поранешниот американски претседател Роналд Реган, заработи повеќе од 470 милиони евра само од плата во периодот од 2002 до 2023 година. Неговиот десетгодишен договор со Најк, вреден околу 16 милиони евра годишно, како и спонзорства со познати брендови како Армани и Кастрол, значително ја зголемија неговата нето вредност за дополнителни 150 милиони евра. Неговото преселување во Ал Наср му донесе годишна нето плата од 172 милиони евра, вклучувајќи бонуси и дополнителни погодности, како што е бонусот за потпишување од над 25 милиони евра.
Долги години, Роналдо и Лионел Меси се натпреваруваа за титулата на најдобар фудбалер, заработувајќи слични суми. Сепак, во 2023 година, нивните патишта се разделија, кога Роналдо се пресели во Саудиска Арабија, а Меси се приклучи на Интер Мајами во МЛС. И покрај тоа, Меси планира да заработи дополнителни приходи по пензионирањето, што може да го изедначи со Роналдо. Според индексот на Блумберг, Меси заработил над 515 милиони евра во текот на својата кариера, но неговата гарантирана плата во последните две сезони е значително помала во споредба со приходите на Роналдо.
И двајцата фудбалери се придобиле од значителниот пораст на платите во фудбалот, кој е многу поголем од заработките на претходните ѕвезди, како што е Дејвид Бекам. Блумберг проценува дека Роналдо заработил околу 480 милиони евра од клупски договори во периодот од 2002 до 2023 година, а само во Саудиска Арабија, тој заработил речиси двојно повеќе за помалку од три години. Роналдо, исто така, е најследениот спортист на социјалните мрежи, со над 660 милиони следбеници. Со ова, Роналдо повторно испиша историја, станувајќи првиот фудбалер милијардер!
