Во периодот од 18 до 30 август 2025 година, Крива Паланка ќе прерасне во вистински културен, забавен и духовен центар на регионот, нудејќи им на жителите и на посетителите ширум државата и надвор од границите, незаборавно доживување исполнето со музика, традиција, уметност, спорт и духовни вредности.
Преку разновидни содржини кои опфаќаат уметнички изведби, интернационален фолклор, современа музика, спортски активности и духовни настани, Крива Паланка ќе биде место каде што традицијата се спојува со современите културни изрази, создавајќи платформа за дијалог меѓу генерациите, култури и вредности.
,, Горди сме што Крива Паланка оваа година претставува синоним за културно обединувње, за афирмација на македонското наследство, но и за современ пристап кон уметноста и забавата. Нашата цел е да ја почувствувате душата на Крива Паланка преку песна, игра, вкус, спортски активности, духовност и гостопримство. Со отворени срца ги пречекуваме сите гости и пријатели да бидат дел од ова лето што ќе се памети.“ – истакна градоначалникот на Крива Паланка, Сашко Митовски.“
Културна програма што поврзува
18–22 август 2025 – „Фудбал за сите“, спортска манифестација за најмладите, организирана од Сојузот на општински спортови, на градскиот стадион. Настанот има цел да ја промовира спортската дружба и здравите навики кај младата генерација.
22 август 2025 – Музичка вечер со трибут на легендарната група „Бјело Дугме“ во изведба на „Бјело копче“. Концерт со вечни хитови кои ги поврзуваат генерациите.
25–27 август 2025 – 20-ти јубилеен Меѓународен фолклорен фестивал „Св. Јоаким Осоговски“, со учество на ансамбли од повеќе земји. Фестивалот е симбол на традицијата и културната размена, кој две децении го носи духот на различните народи во Крива Паланка.
25–27 август 2025 – Манифестација „Шопско село“, уникатен фестивал на традиционална храна и ракотворби. Оваа година централна тема е „Зелникот на баба“, симбол на домашната кујна и топлината на македонското семејство.
25 август – настап на Александар Јовевски и проектот ,, од колено на колено“
26 август – настап на Сашко Јовев ,, Од изворот“
27 август – настап на Андријана Јаневска и проект „Митан“
28 август 2025 – Голем духовен чин: осветување на православниот граѓански крст, настан од особено значење за верниците и граѓаните на Крива Паланка.
29 август 2025 – Музичка вечер со Мирза Селимовиќ, Цеца и ДЈ Галовски, спектакл кој ветува преполна на Градскиот стадион.
30 август 2025 – Завршна вечер со незаборавна забава: Дејан Петровиќ и Биг Бенд, Саша Ковачевиќ и ДЈ Том Нови, кои ќе донесат вистинска енергија за големо финале на летниот фестивалски маратон.
Извор:www.krivapalanka.gov.mk
