Во тетовското село Желино, семејната веселба заврши со полициска интервенција, откако 21-годишен маж од Голема Речица, С.Ш., одлучи да прослави на крајно ризичен начин. Според информациите од Министерството за внатрешни работи, младиот тетовец пукал со огнено оружје од своето патничко возило „БМВ“ и целиот инцидент го споделил на социјалните мрежи. Настанот се случил вчера околу 10 часот наутро, додека С.Ш. се упатувал на семејна веселба.
Само неколку часа подоцна, околу 00:50 часот, полициските службеници од СВР Тетово го уапсиле. При претрес, пронајден е пиштол марка „Зораки“, со една празна рамка и кутија со 21 куршум, за кои младиот маж не поседувал дозвола. С.Ш. е задржан во полициска станица, а по целосно документирање на случајот, против него ќе биде поднесен соодветен поднесок.
Сличен инцидент се случи и во селото Житоше, каде што полицијата ги приведе В.Е. (26) и Б.Е. (57). Тие, исто така, испукале неколку истрели од огнено оружје пред куќата на В.Е. за време на семејната веселба. На лице место пронајдени се чаури, а од осомничените одземени се гасен пиштол, сопственост на В.Е., и ловна пушка со дозвола на име на Б.Е. По документирање на настанот, ќе бидат поднесени соодветни поднесоци.
