Во следниот период Македонија ќе биде под влијание на многу топла воздушна маса од југ – поточно од Африка, поврзана со поле на висок воздушен притисок, што ќе донесе стабилно, суво, сончево и исклучително топло време.
Температурите ќе растат до 42°C
Температурите ширум земјата ќе се искачуваат од 32 до 40 степени, а од викендот па сè до наредната седмица, во регионот на Повардарието и Скопје се очекува температура до околу 42°C.
Во текот на овој интензивен топлотен бран ќе дува слаб до умерен ветер од променлив правец, додека УВ индексот ќе достигне вредност од 9, што спаѓа во категорија на многу висока изложеност на УВ зрачење.
Зголемен ризик од шумски пожари
Поради сувото и жешко време, постои сериозна опасност од појава и ширење на шумски пожари. Институциите апелираат на зголемена претпазливост, особено во руралните и шумските подрачја.
Апел до граѓаните: Заштитете се од жештините
Граѓаните, особено повозрасните и хронично болните лица, се повикуваат да:
Избегнуваат излегување на сонце во периодот од 11 до 17 часот
Консумираат повеќе течности
Носат лесна облека и користат заштита од сонце (крема, очила, капа)
Се информираат редовно за временските услови
Со оглед на екстремните температури и зголемената изложеност на УВ зрачење, следната седмица се очекува да биде една од најжешките ова лето, па затоа внимание, хидратација и претпазливост се клучни.
