Македонијо, земјо најмила

Таму далеку на Балканот,
там’ е мојто родно село,
там’ е мојот крај,
там’ ме мајка мене роди,
там’ ме срце води.

Македонијо, земјо најмила,
еј ти роден крај
в’ срце те носам јас.

Кај што извира Вардар,
па до Егејско Море,
од Пирин дур’ до Шара,
таму е наш’та Македонија.

Велат некогаш на Илинден,
тоа беше деветстотин’
и третата година
кога народ за слобода
крвта своја ја лееше.

Македонија, в’ славно Крушево
република
се роди на Балканот.

Кај што извира Вардар,
па до Егејско Море,
од Пирин дур’ до Шара,
таму е наш’та Македонија.

Македонијо, земјо илинденска,
Илинден е наш’то сонце
што не води до слобода,
Илинден е роденден
на нашата Република.

Два Илиндена, со крв натопени
за слободата
на Македонија.

Кај што извира Вардар,
па до Егејско Море,
од Пирин дур’ до Шара,
таму е наш’та Македонија.