Фудбалската федерација на Македонија (ФФМ) објави дека сите билети наменети за македонските навивачи за квалификацискиот натпревар против Белгија, кој ќе се одржи на 10. октомври, се распродадени. Во текот на последните три недели, на располагање беа ставени близу 1.000 билети, кои беа достапни преку официјалната платформа на ФФМ и веднаш беа резервирани од нашите верни поддржувачи.
ФФМ изрази голема благодарност до навивачите за нивниот интерес и поддршка, која македонската репрезентација ќе ја почувствува во Гент. Поради ограничениот капацитет на стадионот, не постои можност за дополнителна продажба на билети. Оваа поддршка е од особено значење за тимот, кој се подготвува за важниот натпревар против Белгија.
