Пожарот кој вчера избувна во главниот погон на Макпрогрес, компанија која меѓу бројните други стои зад брендот Макпрогрес, целосно го изгоре главниот погон и придружните магацини.
Ова претставува голема загуба за Виница, а како за локалната економија негативен ефект ќе има и за државата. Ова особено се потенцира поради фактот што речиси целото производство на оваа компанија беше наменето за извоз.
Последните податоци за претходната финансиска година покажува дека оваа компанија минатата година остварила приход од 35,8 милиони евра и профит од 2,3 милиони евра. Ова се сериозни бројки што ја сместуваат компанијата меѓу најдобрите во Источна Македонија.
Дополнително, крајот на минатата година го завршиле со 500 вработени. Тоа е сериозна бројка и по Амфенол Кочани, е вториот најголем работодавач во овој дел од земјата.
Засега не е позната иднината на вработените, особено поради фактот што во целост изгоре главниот производствен погон.
Бранко Азески, претседателот на Стопанската комора на Македонија најави формирање на кризен штаб каде ќе бидат разгледени начините на кои може да се помогне на оваа компанија.
