„Енергијата е очигледна. Луѓе, одиме во втор круг! Таму ќе разговараме за многу нешта затоа што во првиот круг противкандидатите ќе бегаат од дебати. Но, во втор круг нема каде да избегаат и ќе се сретнеме конечно. Ние во мандатот ќе се залагаме за градскиот превоз, за загадувањето на градот, за зајакнување на претпријатијата и преку тоа создавање на функционални јавни претпријатија кои сите услуги ќе ги даваат на задоволително ниво,” изјави Амар Мециновиќ, пратеник и кандидат за градоначалник на Скопје од редовите на Левица.
На собирот пред Капитол Мол, атмосферата беше позитивна и енергична, а граѓаните сè повеќе ја препознаваат искреноста и чесноста на кандидатите на Левица. Заедно со кандидатот за градоначалник на Аеродром, Марјан Димитриев, и советниците за Град Скопје и Општина Аеродром, Мециновиќ истакна: „На терен сме, лице в лице со народот – ја слушаме секоја мака и секој предлог. Нашата сила е токму во народот, а нашата визија е чиста, праведна и современа општина и град по мерка на жителите.”
Димитриев, кој влегува во Аеродром со амбициозна програма, пред граѓаните нагласи: „Денес сме тука да ја претставиме нашата програма. Дел од приоритетите се чиста и здрава општина, да ставиме крај на загадувањето и конечно да го решиме паркинг просторот. Аеродромци се спремни за победа, така што морам да кажам – доаѓа нашето време.”
Левица нагласува дека нивната цел е да го вратат Скопје и Аеродром во рацете на народот, преку транспарентно и одговорно управување во интерес на сите граѓани. Оваа иницијатива продолжува да расте, а Мециновиќ и неговиот тим се подготвени за нови предизвици.
