Мене ми лежи на срце јас да си појдам Леринско

Мене ми лежи на срце
јас да си појдам Леринско,
селата да ги рашетам,
да дојдам в’ село Арменско.
Таму на сред ден Ѓурѓовден
да пеам песни комитски,
да пеам песни комитски
за браќа, сестри македонски.Арменско оро да заиграм,
на оро срце да разиграм,
да си ја викнам до небо
„Песна за Арменско“.
Арменско оро да заиграм,
на оро срце да разиграм,
да си го сторам меракот,
да се израдувам.

Песната да се дочуе
околу Вардар секаде,
до Преспа и до Пиринско,
до Бело Море, Егејско.
Да пеат сите на оро,
да спомнат село Арменско,
да спомнат село Арменско
што вечно било македонско.

Арменско оро да заиграм,
на оро срце да разиграм,
да си ја викнам до небо
„Песна за Арменско“.
Арменско оро да заиграм,
на оро срце да разиграм,
да си го сторам меракот,
да се израдувам.

Да пеат сите на оро,
да веат знаме слободно,
да пеат сите за неа,
за цела Македонија.

Арменско оро да заиграм,
на оро срце да разиграм,
да си ја викнам до небо
„Песна за Арменско“.
Арменско оро да заиграм,
на оро срце да разиграм,
да си го сторам меракот,
да се израдувам.