Претседателот на ВМРО-ДПМНЕ, Христијан Мицкоски, на вечерашниот митинг во Крушево, ја истакна реалната програма и проекти на неговата партија, додека за СДС изјави дека нудат само празни ветувања и црна кампања. Според него, таквата стратегија на СДС ќе доведе до значаен пораз на изборите на 19 октомври. “Ние настапуваме со јасна и прецизна програма, а нашите противници настапуваат со демагогија и подземни коалиции. Нивната црна кампања е нивната главна понуда на овие избори,” рече Мицкоски.
Тој продолжи со критики кон СДС, посочувајќи дека во кампањата вклучиле и “вистинскиот лидер” кој допатувал од Дубаи, а во јавноста се појавува неговиот заменик Венко. “Покрај овој вистинскиот кој допатува од Дубаи, во кампањата го вклучија и нивниот грамафон, кој пишува текстови исклучиво во медиуми блиски до СДСМ,” додаде тој, истакнувајќи дека таквите напади само покажуваат колку страв и омраза има во редовите на СДС.
На крајот, тој ги повика граѓаните да излезат на 19 октомври и да гласаат за бројот 9, за подобра и просперитетна иднина. “Ајде заедно да ја напишеме новата приказна на нашата татковина! Ајде да изградиме иднина со која ќе се гордееме!” заврши Мицкоски.
