На конститутивната седница на Советот на Општина Крива Паланка, со мнозинство гласови беше избран новиот претседател на Советот на Општина Крива Паланка — Миле Трајковски, кој беше и носител на листата на советници од Социјалдемократскиот сојуз на Македонија (СДСМ).
Градоначалникот на Општина Крива Паланка Сашко Митовски му упати искрени честитки на новоизбраниот претседател и му посака успешен, одговорен и плоден мандат исполнет со конструктивна и посветена работа во интерес на граѓаните.
Очекувањата се дека Советот, во новиот состав, ќе продолжи да работи со посветеност, транспарентност и со искрена заложба за реализација на проекти што ќе придонесат за просперитет и развој на локалната заедница и унапредување на животот на граѓаните.
Извор:www.krivapalanka.gov.mk
